مرحبا بيكم في فقرة #قصة_وإحصائيات_ روبرت ليفاندوفسكي
ليوم معنا ضيف مميز وعليه اشاعة كبيرة غادي نبينلكوم الصحة او الخطا ديالها وشحال من واحد تيسحابلو راسو تيعرفو مزيان ولكن 80% فهادشي لي غانعاود الاغلبية ديالكوم مكيعرفوهش ..على بركة الله ..
ليفاندوفسكي خلاق ف 21 غشت 1988 فمدينة وارسو ببولاندا خونا اه بولندي ماشي الماني ومعندش حسو غرام ديال الجنسية الالمانية بولندي 100% الاب ديالو بطل وطني فالجودو ولاعب كرة قدم فالدوري الدرجة التانية البولاندي والواليدة ديالو لاعبة كرة الطائرة ولعبات مع المنتخب البولندي بالاضافة انها رئيسة حزب سياسي فبولندا ..
ليفاندوفسكي فصغرو كان تيلعب فالدرجة التالتة وانتقل للدرجة التانية بحيت كان فيهوم بجوج لهداف ومشا يلعب فنادي ديال مدينتو ديلتا وارساو ولي ملعبش معاهوم بزاف حيت كان مزال صغير وكان مزال خصو يتاقلم مع الاجواء ديال الاحتراف (هو بدا بكري الاحتراف ف16 لسنة)
ف2006 انتقل لنادي بروسكوف البولاندي ولي لعب معاه 32 ماتش وسجل 21 هدف في موسمين وف 2008 انتقل تقريبا فابور لنادي ليش بوزنان ولي لعب معاه 82 ماتش وسجل 42 هدف وصنع 20
صاف كلشي بنا عليه الامل وعرفوه اينتقل لواحد من دوريات الخمس حيت كان زايد بنية جسمانية قوية ودقة فالتسديد ..
تاهوما معطلوهش في صيف 2010 خونا كان اينتقل لنادي بلاكبيرن ولي تيلعب فالدوري الانجليزي الممتاز (دبا راه هبط) وصافي اتفقوا الناديين باش يمشي لبلاكبيرن وكانت الصفقة حوالي 2.5 ملايين
خونا ناض مشا يشد الطيارة للانجلترا ولكن جا واحد البركان لي انفجر وكون سحابة بركانية كبيرة فالسماء وهادشي كيعني بلي الطيارات ولي بيلوط مغايشوفوش مزيان دونك منعو السفر وبقا ليفاندوفسكي فبولندا لمدة يومين وهو يجيه عرض من الدورتموند تقريبا خمسة ملايين لي هو الضعف ديال القيمة لي عطات بلاكبييرن صافي السيد قلب الرحال لالمانيا
وتما خونا حطم الارقام بحيت ولا اول لاعب تيسجل اربعة اهداف فنصف نهائي دوري الابطال (ضد مدريد) وعاون الفريق ديالو بزاف وكان حاسم من التالي السيد تجاوز النيفو لي كانو عوالين عليه انفجر بحيت في اربعة مواسم 187 ماتش 103 اهداف وصنع 42 لبيت... يعني بلغة اخرى يلا دورتموند ماركات شي بيت 80% تيكون ليفاندوفسكي يا الممرر يا الهداف ههههه
من بعد التالق ديالو في الدوتموند وكيف تيوقع لاغلبية اللاعبين لي تيتالقو فالدورتموندهههه مشا فابور لبايرن ميونخ ولي لعب معاه لحدود نهاية 2019 (مابغيتش ندخل 2020 فالإحصائيات ) 251 لماتش وسجل 203 بيت وصنع 47 هدف
وكانت خرجات عليه واحد الاشاعة بلي هو حفيد اخت هتلر باولا
هههههههههه هادي اكبر كدبة وانا نقولكوم علاش
هتلر كانو عندو تلاتة دخوتو بنات وحدة فيهوم تزوجات وولقات راسها مكاتولدش وجوج لوخرين ماتو بلا مايتزوجو ..
وليفاندوفسكي جدو بولندي وجداتو بولندية وجدو من ماماه بولاندي وجداتو من ماماه بولندية ههههه
ونزيدكوم ليفاندوفسكي خرج بتصريح لصحيفة البيلد فالتلفزة الالمانية وقالهوم معندي حتا علاقة بهتلر
ليفاندوفسكي في الفترة ديالو فالبايرن ضرب لعاقة صحيحة بحيت تيتعتبر من اغنياء الرياضيين فالعالم
اغلب الصحف والاحصائيات مصنفوهش نضرا لحياته البسيطة والهادئة ولقيمته التسويقية ولكن السيد عندو اسهم قوية فالشركة دالخمر المشهورة 'فودكا' وبالاضافة لسلسلة من المطاعم سميتهوم فات ليفاندوفسكي لي كانين فبولاندا ومجموعة من الشركات العاقارية.. الثروة ديالو واصلة تقريبا ل 275 مليون دولار .
ندوزو للزوجة ديالو عندها لبرونزية فالكاراتيه
بلا منهضر على الارقام لي حطم حيت كتعرفوها بحال 5 اهداف في تسعة دقائق ..
ليست هناك تعليقات:
إرسال تعليق